DUA

Nesta páxina facilítase unha táboa na que se resaltan explicitamente todas as accións orientadas á inclusión de todo o alumnado a través do Deseño Universal de Aprendizaxe (DUA). Por suposto, isto non quita que o profesorado que queira aplicar este REA deba adaptalo á realidade da súa aula en concreto. Dentro do meu TFG pódese atopar esta mesma táboa e máis información ao respecto:

PRINCIPIOS E PAUTAS DO DUA	ACCIÓNS LEVADAS A CABO
Proporcionar múltiples formas de implicación
Proporcionar opcións para o interese	- A diversidade de temáticas das obras ofertadas, aínda co denominador común da diversidade sexual, pretende responder aos gustos e intereses de todo o alumnado. -  As actividades propostas buscan unha aprendizaxe significativa, contextualizada e motivadora.
Proporcionar opcións para soster o esforzo e a persistencia	- As actividades poden intercalarse no horario para non cansar ao alumnado durante a consecución dunha moi longa. - As actividades de busca de información alimentan a curiosidade do alumnado, animando a seguir investigando e aprendendo,  incluso fóra da aula. - O resto de actividades pretenden ser interesantes e entretidas, á par de esixir un esforzo adecuado e necesario para a consecución das aprendizaxes.
Proporcionar opcións para a Autorregulación	- As constelacións literarias dan liberdade ao alumnado de seguir un itinerario de lectura propio e individual. - O diario de lectura permite establecer un obxectivo de lectura diario que promove a autorregulación. Amais, a aprendizaxe desta ferramenta metodolóxica permite ser empregada fóra da aula. - Certas actividades creativas, individuais e grupais, comprenden certo grao de toma de decisións. Amais, o traballo grupal xa é en si mesmo unha forma de desenvolver a autorregulación do grupo.
Proporcionar múltiples formas de representación
Proporcionar opcións para a Percepción	- As lecturas comúns serán lidas na aula, para complementar linguaxe oral e escrita. - A Constelación Corada inclúe obras de diversas disciplinas artísticas como libros, cómics, series, películas, curtametraxes, cancións etc. - Algunhas obras escritas están dispoñibles en formato dixital, polo que poderían ser accesibles de forma oral a través dun lector de texto a voz.
Proporcionar opcións para a linguaxe, expresións matemáticas e símbolos	- Seguindo o TIL, na constelación propóñense obras en galego, inglés e castelán. - As obras son de niveis lectores diversos para que todo o alumnado da aula poda atopar unha acorde ao seu.
Proporcionar opcións para a Comprensión	- As lecturas comúns serán lidas na aula, para complementar linguaxe oral e escrita. - As obras escritas soen ser acompañadas por debuxos que axudan á comprensión, como os cómics ou álbums ilustrados.
Proporcionar múltiples formas de Acción e Expresión
Proporcionar opcións para a acción física	- Deseñáronse actividades que permiten o movemento físico, como representacións teatrais ou danzas, que poden ser realizadas por calquera persoa  sexa cal sexa a súa capacidade física.
Proporcionar opcións para a expresión e a comunicación	- Propóñense numerosas actividades orais (como as charlas dialóxicas) e escritas (como o diario lector) - O alumnado pode escoller o formato de diario lector que desexe (escrito, a través de audios, vídeos...). - Existen actividades de expresión artística literaria, plástica e musical. - O resto de actividades son susceptibles de ser adaptadas ás necesidades de cada alumnado.
Proporcionar opcións para as funcións executivas	- O emprego do diario lector axuda a fomentar as funcións executivas ao permitir o autorregulamento da lectura, así como ao desenvolvemento da CAA ou CPSAA. - As actividades moi longas aparecen divididas por pasos. As preguntas concretas das charlas dialóxicas poden ser presentadas dunha en nunha. O uso do diario lector durante as charlas tamén fomenta a organización mental e complementa a memoria de traballo.